|
 Bakıdakı
39 nömrəli tam orta məktəbdə də Bilik günü təntənə ilə
qeyd olunub. Mərasimi məktəbin direktoru Tahirə Şükürova
açaraq yeni dərs ilinin başlanması münasibətilə müəllim
və şagirdləri ürəkdən təbrik edib. Bildirilib ki,
ümummilli lider Heydər Əliyevin rəhbərliyi ilə başlanan
təhsil islahatları bu gün öz bəhrəsini verməkdədir.
Direktor təhsil sahəsi ilə bağlı proqramların uğurla
icra olunduğunu, Prezident İlham Əliyevin ölkəmizin
gələcəyi üçün mühüm əhəmiyyət kəsb edən bu sahəyə
göstərdiyi diqqət və qayğının hər yerdə açıq-aydın hiss
edildiyini bildirib.
Qeyd olunub ki, yeni tədris ilində 94 şagird (onlardan
23-ü rus bölməsi) birinci sinfə qəbul olunub. Tam orta
təhsilini başa vurmuş 54 məzundan 42-si qəbul
imtahanlarında yaxşı nəticə göstərib. Onlardan
biri-Leyla Qurbanova 646 bal toplayaraq Azərbaycan Tibb
Universitetinə qəbul olub.
Sagirdlərin sevincinə qoşulan Nərimanov Rayon Veteranlar
Şurasının sədri Sevil Məmmədova, Nərimanov Rayon İcra
Hakimiyyətinin nümayəndəsi Nəzakət Məmmədova, Milli
Qəhrəman, məktəbin adını daşıdığı N.Nəsrəddinovun
qardaşı Mehdi Nəsrəddinov birinciləri təbrik ediblər.
Qonaqlar onlara dərslərini yaxşı oxumağı və
Azərbaycanımıza layiq vətəndaş olmağı arzulayıblar.
R.RAMAZANOĞLU,
"Azərbaycan müəllimi" |
