|
Rusiyanın Həştərxan şəhərində keçirilən beynəlxalq
şahmat yarışında Azərbaycanı Lənkəran şəhər Şahmat
Məktəbinin 5 zəka sahibi təmsil edib. Turnirdə bir sıra
ölkələrdən 225 şahmatçı müxtəlif reytinq və yaş
qruplarında mübarizə aparıb.
Doqquz turdan ibarət yarışın baş mükafatına 13 yaşadək
şahmatçılar arasında Lənkəranın on bir yaşlı idmançısı
Hacıəli Əhədzadə sahib olub. Həmyerlimiz 9 oyundan 8 xal
toplayaraq birinci yeri tutub və qızıl medala layiq
görülüb. Turnirin yekununda şahmatçımız Hacıəli
Əhədzadəyə diplom, medal və pul mükafatı verilib. |
