|
Bu il Qazax rayonunda tam orta məktəbləri 831 şagird
bitirib. Məzunlardan 535-i müxtəlif ali məktəblərə sənəd
verib. Rayon təhsil şöbəsindən bildiriblər ki, ali
məktəblərə sənəd verən məzunlardan 303 nəfəri tələbə
adını qazanıb. Ali məktəbə daxil olanların 62-si
500-dən, 20-si isə 600-dən yuxarı bal toplayıb. Qəbul
imtahanlarında ən yüksək nəticəyə şəhər 1, 2, Daş
Salahlı 2, Çaylı 1 nömrəli və Aşağı Əskipara kənd tam
orta məktəblərin məzunları nail olublar.
Şakir CƏFƏROV,
"Azərbaycan müəllimi" |
