|
Zaqatala Rayon Təhsil Şöbəsindən redaksiyamıza daxil
olan məlumatda bildirilir ki, rayonun Kebeloba kəndində
ümumi orta məktəb üçün büdcə vəsaiti hesabına 4 əlavə
sinif otağı tikilir. Məktəb binasında aparılan təmir və
tikinti işlərinin yeni dərs ilinədək başa çatdırılması
nəzərdə tutulur. Yuxarı Tala kəndindəki 2 nömrəli tam
orta məktəb üçün dövlət vəsaiti hesabına inşa edilən 450
şagird yerlik yeni məktəb binasının tikintisi isə artıq
yekunlaşıb.
Bundan əlavə, Yengiyan kəndində tam orta məktəb üçün
inşa edilən 264 şagird yerlik yeni məktəb binasının
tikintisi də sürətlə davam etdirilir. Bu məktəb
binasının da yeni dərs ilində şagirdlərin istifadəsinə
verilməsi nəzərdə tutulur.
Şakir CƏFƏROV,
"Azərbaycan müəllimi" |
