|
Azərbaycan Dövlət Aqrar Universistetində 2015/2016-cı
tədris ilinə hazırlıq işləri çərçivəsində, bütün
fakültələrdə olduğu kimi, baytarlıq təbabəti və
zoomühəndislik fakültəsinin həyətində də abadlıq işləri
uğurla davam etdirilir. Universitetin tikilməkdə olan
müasir tipli yataqxanalarına yaxın olan bu ərazidə
universitetin könüllüləri, o cümlədən tələbə gəncləri
tərəfindən 300-dən çox ağac əkilib. Bundan başqa,
aqronomluq, mühəndislik, elektroenergetika və
informasiya texnologiyaları fakültələrinin tədris
binalarının ətrafında təmizlik, yaşıllaşdırma işləri
aparılır. Universitet kollektivinin bu istiqamətdə
fəaliyyəti Heydər Əliyev Fondunun təşəbbüsü ilə
keçirilən "Hərəmiz bir ağac əkək!" devizi altında
aksiyalara, İDEA (Ətraf Mühitin Mühafizəsi Naminə
Beynəlxalq Dialoq) İctimai Birliyinin təşkil etdiyi
layihələrə, bütövlükdə tələbə gənclərin ətraf mühit
problemlərinin aradan qaldırılması, ekoloji tarazlığın
qorunması sahəsində biliklərinin artırılması məqsədinə
əsaslanır. |
