|
 Qusarlı
riyaziyyat müəllimi Nurulla Davudov 33 ildir taxta
lövhələr üzərində yandırma üsulu ilə bir-birindən gözəl
əsərlər yaradır. İki kitab müəllifi olan Nurulla Davudov
Qusar rayon Avaran kənd tam orta məktəbinin direktoru
vəzifəsində çalışır. Rayon təhsil şöbəsindən məlumat
verilir ki, 62 yaşlı pedaqoq taxta lövhələr üzərində
təbiəti, kənd həyatını, qədim adət-ənənələrimizi əks
etdirən rəsmlər çəkir. İşindən zövq alan sənətkar
əsərlərini yandırıcı qurğudan istifadə etməklə yaradır.
N.Davudov əsərlərinin dəfələrlə rayonda təşkil olunan
sərgilərdə nümayiş etdirildiyini bildirib. "İlk vaxtlar
bu işi görəndə mənə çox çətin gəlirdi. Amma təcrübəm
artdıqca əsərlərim də diqqətçəkən oldu. İndi çəkdiyim
şəkillərin sayını belə itirmişəm".
Yaradıcı müəllim bir əsərin çəkilməsinə 2-3 gün vaxt
sərf edir. Amma elə böyük əl işləri də var ki, onun
üzərində bir ay çalışmalı olub. Nurulla Davudov vaxtilə
uşaq yaradıcılıq mərkəzində fəaliyyət göstərən dərnəkdə
balacalara taxta lövhələr üzərində yandırma üsulu ilə
rəsm əsərləri çəkməyin sirlərini də öyrədib. |
