|
İsveçin Landskrona şəhərində avqustun 1-dən başlayan
yaşı 15-17-dək yeniyetmələrin ağır atletika üzrə Avropa
birinciliyi davam edir. AZƏRTAC xəbər verir ki, "Landskrona
Idrottshall" yarış zalında keçirilən turnirdə
Azərbaycanın "Zirvə" Beynəlxalq İdman Klubunun
nümayəndələri də çıxış edirlər.
Həmyerlimiz Kənan Xəlilov (56 kiloqram çəki dərəcəsində)
yaşı 17-dək oğlanların mübarizəsində gücünü sınayıb. O,
birdən qaldırma hərəkətində 97 kiloqram nəticə ilə 4-cü,
təkanla qaldırma hərəkətində isə 110 kiloqram nəticə ilə
8-ci olub.
Ümumilikdə 207 kiloqram (97+110) nəticə göstərən ağır
atletimiz yekunda 7-ci yeri tutub. Avropa birinciliyinə
avqustun 9-da yekun vurulacaq. |
