|
 Yazıçı
Ramiz Abbaslının "Elm və təhsil" nəşriyyatında çapdan
çıxmış "Ad oğrusunun adı" tarixi əsərində mənfur
qonşularımız olan ermənilərin özgəsinə məxsus torpaqlara,
mədəniyyətə, ədəbiyyata, incəsənətə, dağlara, çaylara,
göllərə, hətta dənizlərə, ümumiyyətlə hər şeyə sahib
çıxmaq kimi iyrənc cəhdləri açılıb göstərilmişdir.
Yazıçı təkzibolunmaz faktlarla, qədim salnaməçilərin,
tarixçi alimlərin və şairlərin əsərlərinə istinadən, o
cümlədən, erməni mütəfəkkirlərinin etiraflarına əsasən
sübut edir ki, müxtəlif dövlətlərin ərazilərində
əsrlərlə yaşayan ermənilər demək olar ki, köçəri həyat
sürmüş, ancaq heç vaxt dövlət qura bilməmişlər. Ən naqis
insani keyfiyyətləri özündə cəmləşdirən ermənilər nə
qədər namərd planlar hazırlasalar da, onlara dəstək
verən olmamışdır.
Yazıçı R.Abbaslı göstərir ki, yalnız XVIII əsrdə rus
çarı I Pyotru şirnikləşdirib ələ alan ermənilər sərsəm
ideyalarını gerçəkləşdirməyə imkan tapdılar. Riyakar
planlar, ağ yalanlar ayaq tutub yeriməyə başladı,
Azərbaycan torpaqlarının işğalının əsası qoyuldu. Rus
çarlarının və sonralar bolşevik rəhbərlərinin himayəsi
ilə ermənilər xarici ölkələrdən yığışdırılıb
Azərbaycanın qərbinə və Qarabağ ərazisinə köçürüldülər.
Ayaqlarına yer eləyən ermənilər xarici himayəçilərindən
hər cür dəstək alaraq tarixdə ilk dəfə dövlət qurmağa
nail oldular, paytaxtı da Azərbaycanın İrəvan şəhəri
oldu. Ermənilər Azərbaycan xalqına olmazın bəla və
müsibətlər gətirdilər. Halbuki, tanınmış erməni
mütəfəkkirləri və tarixçiləri açıq etiraf ediblər ki,
hərgah biz türklərin deyil, başqa dövlətlərin ərazisində
məskunlaşmış olsaydıq, erməni adı yalnız tarixin
səhifələrində qalardı, yəni erməniləri digər ölkələrdə
qırardılar.
"Ad oğrusunun adı" kitabında ermənilərin türklərə, o
cümlədən, azərbaycanlılara min illər boyu düşmən
kəsilmələri faktlarla açılır. Geniş əhali kütləsi üçün
yazılmış bu kitab zəngindir və məktəb şagirdləri də
qiymətli vəsaitdən istifadə edə bilərlər. "Ad oğrusunun
adı" oxucular tərəfindən razılıqla qarşılanır.
Kitabda tarixin dərin qatlarında qalmış bir çox qaranlıq
məsələlərin üzə çıxarılması oxucuda marağı daha da
artırır. Uğurlu yaradıcılıq məhsulu üçün müəllifi təbrik
edir, ona yeni nailiyyətlər arzulayırıq.
Rəhilə MİSİRXANLI,
Azərbaycan Jurnalistlər Birliyinin üzvü |
