|
Azərbaycan Dövlət Rəssamlıq Akademiyasının muzey-sərgi
kompleksində "Gənc istedadları sən də tanı" layihəsi
çərçivəsində sərgi keçirilib. Sərgidə 80-ə yaxın gənc
və həvəskar rəssamın əsərləri təqdim olunub. Tədbirin
açılış mərasimində muzey-sərgi kompleksinin direktoru
Lalə Eldarova, Nərimanov Rayon Gənclər və İdman
İdarəsinin rəisi Nəcəf Novruzov çıxışlarında belə
sərgilərin keçirilməsinin istedadlı gənclərin üzə
çıxarılmasında əhəmiyyətli rolundan bəhs ediblər.
Müsabiqə komissiyasının sədri, Azərbaycan Dövlət
Rəssamlıq Akademiyasının "İstedad" yaradıcılıq kursunun
baş müəllimi Nadir Cəfərov qaliblərin seçilməsi zamanı
yaradıcılıq, üslub, texnika və ideyaya üstünlük
verildiyini vurğulayıb.
Qaliblərə diplom və hədiyyələr verilib.
Sifai SƏFƏROVA,
"Azərbaycan müəllimi" |
