|
 Dağıstanın
Kaspiysk şəhərində beşqat dünya çempionu Əli Əliyevin
xatirəsinə həsr olunmuş sərbəst güləş üzrə ənənəvi
beynəlxalq turnir keçirilib.
Turnirdə iştirak edən sərbəst güləş üzrə yığma
komandamızın üzvləri 1 qızıl medal qazanıb.
Qızıl medalı yığmamıza 65 kiloqram çəki dərəcəsində
mübarizə aparan gənc güləşçimiz Coşqun Əzimov
qazandırıb. Bütün rəqiblərindən üstün olan C.Əzimov
həlledici görüşdə Rusiya təmsilçisi Əlibəyhacı Əmiyevə
də qalib gəlib və turnirin qızıl medalına sahib olub.
Ruslan Qasımov (57 kq), Ağahüseyn Mustafayev, Qalib
Əliyev (hər ikisi 61 kq) və Məhəmmədhacı Muxutov (74 kq)
bürünc medal görüşündə uduzaraq turniri 5-ci sırada
tamamlayıblar.
Görüşlərin idarə edilməsində ölkəmizi beynəlxalq
dərəcəli hakim Natiq Hacıyev təmsil edib. |
