|
 Azərbaycan
Respublikasının Təhsil Problemləri İnstitutu Elmi
Şurasının növbəti iclası keçirilib. TPİ-nin direktoru
Qulu Novruzov tədbiri giriş sözü ilə açaraq
Azərbaycanın son ayda qazandığı ən böyük uğurlarından
biri olan "Bakı-2015" birinci Avropa Oyunlarının
əhəmiyyətindən geniş danışıb. O, bu oyunlar zamanı
Prezident İlham Əliyevin və "Bakı-2015" ilk Avropa
Oyunları Təşkilat Komitəsinin sədri, Azərbaycanın
birinci xanımı Mehriban Əliyevanın xidmətlərini yüksək
dəyərləndirərək vətənimizin nüfuzunun dünyada daha da
yüksəlməsindən söhbət açıb.
Sonra TPİ-nin direktor müavinləri Ənvər Abbasovun,
Rəfiq Qəndilovun, Peşə ixtisas təhsili şöbəsinin müdiri
Rəsul Əsgərovun yarımillik hesabatları, yarım ildə
görülmüş işlər və təşkil edilmiş tədbirlər barədə
məruzələri dinlənilib. İclasın gedişində 2014-cü ildə
elmlər doktoru və fəlsəfə doktoru proqramları üzrə
doktoranturaya və dissertanturaya qəbul olunmuşların
dissertasiya mövzularının müzakirəsi və təsdiqi, xarici
ölkə vətəndaşlarının dissertantura və doktoranturada
təhsilalma formalarında və dissertantura və doktorantura
yolu ilə təhsil alanların illik təhsil haqlarında
dəyişikliklər barədə institutun elmi katibi Akif Abbasov
və Elmi pedaqoji kadr hazırlığı şöbəsinin müdiri
Hümeyir Əhmədov məlumat veriblər. Pedaqogika üzrə elmlər
doktoru proqramı üzrə dissertasiyaların müdafiəyə təqdim
edilməsi ilə bağlı da müzakirələr aparılıb.
Sonra Yeni Azərbaycan Partiyasının sıralarına daxil olan
institutun gənc əməkdaşlarına üzvlük vəsiqələri təqdim
olunub.
TPİ-nin Beynəlxalq əməkdaşlıq və informasiya şöbəsi
|
