|
Oruc MUSTAFAYEV,
"Azərbaycan müəllimi"
 Böyük
Britaniyanın təhsil xidmətləri sahəsində nüfuzlu şirkəti
olan The Times Higher Education dərgisi iyunun 11-də
2015-ci il üzrə Asiyanın 100 ən yaxşı ali məktəblərinin
reytinq cədvəlini təqdim edib. Asiyanın ən yaxşı ali
məktəblərinin reytinq sıralamasına Yaponiyanın Tokio
Universiteti başçılıq edir. Reytinq cədvəlinə (The
Times Higher Education Asia University Rankings 2015)
əsasən 2-ci yerdə Sinqapur Milli Universiteti, 3-cü
yerdə Honkonq Universiteti qərarlaşıb. Bundan əlavə,
ən yaxşı 10 universitet arasında Pekin Universiteti,
Sinxua Universiteti, Seul Milli Universiteti, Koreya
Qabaqcıl Elm-Texnologiya Universiteti (KAIST), Honkonq
Elm və Texnologiya Universiteti, Kiot Universiteti
və Nanyanq Texnologiya Universiteti yerləşib. Beləliklə
ilk 10-luğa Asiya regionunun elm və texnologiya
sahəsində davamlı liderləri olan Cənubi Koreyanın,
Honkonq, Yaponiya, Sinqapur və Çinin hər birindən 2
universitet daxil olub. Reytinqin əsasını da bu
ölkələr təşkil edir. Türkiyənin ən yaxşı
universitetlərinə Yaxın Doğu Texnik Universiteti (12-ci
yer) başçılıq edir. Reytinq tərtib olunarkən,
təhsilin keyfiyyəti, tədqiqat işlərinin səviyyəsi və
beynəlxalq fəaliyyətdən istifadə olunub. Bundan
əlavə, ali məktəbin akademik və tələbə mühitində,
universitet rəhbərləri arasında, eləcə də hökumət
səviyyəsində və real sektorda nüfuzu nəzərə alınıb.
|
