|
 İyunun
17-də Azərbaycan Dövlət Aqrar Universitetinin (ADAU)
Elmi Şurasının iclası keçirilib. Akademik Məmmədtagı
Cəfərovun əziz xatirəsinin bir dəqiqəlik sükutla yad
edilməsi ilə başlayan iclasda 2014/2015-ci tədris ilində
tələbələrlə tərbiyə işləri, universitetin
redaksiya-nəşriyyat şöbəsinin fəaliyyəti barədə
hesabatlar dinlənilib, professor-müəllim heyəti
vəzifələrinin tutulması ilə əlaqədar seçkilər keçirilib.
Şuranın iclasında, həmçinin, "Bakı-2015" ilk Avropa
Oyunlarının siyasi və iqtisadi əhəmiyyətindən bəhs
olunub. Universitetin rektoru, AMEA-nın müxbir üzvü,
professor İbrahim Cəfərov qeyd edib ki, ilk Avropa
Oyunlarına ev sahibliyi etməklə Azərbaycan dünyanın
tarixinə böyük bir səhifə yazmış oldu. Oyunların açılış
mərasimində iştirak etmiş dünya ölkələrinin liderlərində
böyük təəssürat yaratdı. Çox böyük məsuliyyət tələb edən
tədbirə ev sahibliyi Azərbaycan Respublikasının
Prezidenti cənab İlham Əliyevin siyasi iradəsi və
qətiyyəti sayəsində mümkün olmuşdur.
Vurğulanıb ki, Azərbaycan Dövlət Aqrar Universitetinin
professor-müəllim heyəti və tələbələri "Bakı-2015" ilk
Avropa Oyunlarına həmişə dəstək nümayiş etdirməyi
özlərinin müqəddəs borcu hesab edirlər. Bunun bariz
nümunəsi kimi universitetin könüllü tələbələrinin bu
oyunlarda aktiv şəkildə iştirakını göstərmək olar.
|
