|
Bu, ölkəmiz üçün tarixi hadisədir. Çünki bugünə qədər
ölkəmizdə bu miqyasda idman yarışları keçirilməmişdir.
Eyni zamanda, bu, Avropa üçün də tarixi hadisədir. Çünki
başqa qitələrdən fərqli olaraq, Avropada heç vaxt qitə
oyunları keçirilməmişdir.
İlham ƏLİYEV,
Azərbaycan Respublikasının Prezidenti
 Bu
möhtəşəm bayram müstəqil Azərbaycanın, hər bir
Azərbaycan vətəndaşının qələbəsidir. Müstəqillik
illərində əldə etdiyimiz uğurlar və nailiyyətlər
nəticəsində bu gün burada, gözəl Bakıda Avropa Olimpiya
hərəkatının tarixində yeni səhifə yazılır. Bu səhifəni
biz yazırıq, Azərbaycan xalqı yazır.
Mehriban ƏLİYEVA,
Birinci Avropa Oyunları Təşkilat Komitəsinin sədri
...Sizi dünən reallaşan tarixi hadisə - İlk Avropa
Oyunlarının açılışı münasibətilə təbrik edirəm. Bu,
həqiqətən də beynəlxalq idman hadisəsinə layiq,
möhtəşəm, təəssüratoyadıcı bir hadisə, eyni zamanda
istedadla, ləyaqətlə çox gözəl təşkil olunmuş təqdimat
idi. Deməliyəm ki, bunu hazırlayanlar əbəs yerə zəhmət
sərf etməyiblər, bu tədbir həqiqətən çox gözəl alınıb.
Vladimir PUTİN,
Rusiya Federasiyasının prezidenti
...Sizi təbrik edirəm və Sizə qibtə edirəm. Əvvələn, ona
görə ki, I Avropa Oyunları məhz Bakıda keçirilir.
İkincisi, Sizi təbrik edirəm ki, Siz bu oyunlara ən qısa
müddətdə - cəmi iki il ərzində hazırlaşa bildiniz.
...Ümumiyyətlə çox böyük iş görülüb. Afərin. Biz bu işin
görüləcəyinə şübhə etmirdik. Lakin hər şeyin bu qədər
gözəl olması bizi, sadəcə olaraq, heyrətləndirdi.
Aleksandr LUKAŞENKO,
Belarus Respublikasının prezidenti
İdman və Olimpiya hərəkatının gənc dövlətinizin sürətli
inkişafının mərkəzində durmasına daim səy göstərən
Prezident Əliyevin və birinci xanım Əliyevanın
qətiyyətli mövqeyi hazırlıq işlərimizin aparıcı qüvvəsi
oldu. ...Birinci xanım Əliyeva, Sizin "Bakı-2015"in
Təşkilat Komitəsinin sədri kimi Avropa Oyunlarında
oynadığınız rola sözlə qiymət vermək çox çətindir. Bu
sahədə yorulmaz fəaliyyətinizə, Avropada idmanın parlaq
gələcəyinə verdiyiniz töhfəyə görə Sizə minnətdaram.
Patrik HİKKİ,
Avropa Olimpiya Komitəsinin prezidenti
Könüllülər olmasaydı belə bir mötəbər idman bayramını
təşkil etmək mümkün olmazdı. ...Yarışlar başa çatacaq.
Amma gözəl Azərbaycan, füsunkar Bakı və unudulmaz açılış
mərasimi uzun illər xatirəmizdə yaşayacaq... Mən
Azərbaycanda idmana bu səviyyədə diqqət və qayğını
təsəvvür etmirdim. Sözün əsl mənasında fantastikadır...
Təşkilat səviyyəsi yüksək standartlara uyğundur.
Enriko DELLAKAS,
Avropa Velosiped İdmanı İttifaqının baş katibi
Azərbaycan I Avropa Oyunlarının keçirilməsi məsələsinə
məsuliyyətlə yanaşıb... Tam səmimi deyirəm ki, Bakıya
valeh olmuşam. Onun arxitekturasından tutmuş
Azərbaycanın yarışlara və obyektlərin tikintisinə belə
məsuliyyətlə yanaşmasına qədər hər şeyə heyran
qalmışam. Heç şübhəsiz, bu, Olimpiya səviyyəsidir.
Anastasiya DAVIDOVA,
Rusiya Olimpiya Komitəsinin baş katibi
"Bakı-2015" I Avropa Oyunlarının təşkilatçılığı yüksək
səviyyədədir. Yarışlarda peşəkarlığı ilə seçilən
idmançılar iştirak etdiyi üçün çox güclü rəqabət var.
Avropaya belə bir idman bayramı bəxş etdiyinə görə
Azərbaycana səmimi təşəkkürümü bildirirəm.
Razvan PİRCALABU,
Rumıniya Güləş Federasiyasının prezidenti |
