|
* İyunun 19-da Azərbaycan Respublikasının Prezidenti
İlham Əliyev Türkiyə Respublikasının ölkəmizdəki
səfirliyində olub. Dövlət başçısı Türkiyə
Respublikasının 9-cu Prezidenti Süleyman Dəmirəlin
vəfatı ilə əlaqədar başsağlığı verib, matəm kitabına
ürək sözlərini yazıb.
* Ölkə başçısı İlham Əliyev iyunun 18-də
L.M.Qranovskayaya "Əməkdar elm xadimi" fəxri adının
verilməsi haqqında sərəncam imzalayıb.
* İyunun 17-də dövlət başçısı İlham Əliyev
Macarıstan Respublikasının Milli Assambleyasının sədri
Laszlo Köverin başçılıq etdiyi nümayəndə heyətini qəbul
edib.
* Prezident İlham Əliyev iyunun 17-də Avropa Olimpiya
Komitəsinin prezidenti Patrik Hikkinin "Şərəf" ordeni
ilə təltif edilməsi haqqında sərəncam imzalayıb. Həmin
gün ölkə başçısı İlham Əliyev Patrik Hikkiyə yüksək
mükafatı təqdim edib.
* İyunun 17-də Azərbaycan Respublikasının Prezidenti
İlham Əliyev Türkiyə Respublikasının Prezidenti Rəcəb
Tayyib Ərdoğana görkəmli dövlət xadimi və
ictimai-siyasi xadim, Türkiyə Respublikasının 9-cu
Prezidenti Süleyman Dəmirəlin vəfatı ilə bağlı
başsağlığı verib.
* İyunun 14-də Prezident İlham Əliyev və xanımı,
"Bakı-2015" I Avropa Oyunlarının Təşkilat Komitəsinin
sədri Mehriban Əliyeva onların adından I Avropa Oyunları
ilə bağlı Olimpiya Ailəsinin üzvləri üçün təşkil
edilmiş qəbulda iştirak ediblər. Dövlət başçısı İlham
Əliyev və Avropa Olimpiya Komitəsinin prezidenti Patrik
Hikki mərasimdə çıxış ediblər.
* Azərbaycan Respublikasının Prezidenti İlham Əliyev
iyunun 13-də I Avropa Oyunlarının açılış mərasimində
iştirak etmiş Rusiya Federasiyasının Prezidenti Vladimir
Putinlə görüşüb.
* İyunun 13-də ölkə başçısı İlham Əliyev Beynəlxalq
Olimpiya Komitəsinin prezidenti Tomas Bax ilə görüşüb.
* Azərbaycan Respublikasının Prezidenti İlham Əliyev I
Avropa Oyunlarının açılış mərasimində iştirak etmək üçün
ölkəmizə səfərə gələn İslam Həmrəyliyi İdman
Federasiyasının prezidenti, Səudiyyə Ərəbistanı
Krallığının gənclər və idman naziri, Milli Olimpiya
Komitəsinin prezidenti Şahzadə Abdullah bin Mosaad bin
Əbdüləziz Əl Səudu iyunun 13-də qəbul edib.
* İyunun 13-də Prezident İlham Əliyev I Avropa
Oyunlarının açılış mərasimində iştirak etmək üçün
ölkəmizə səfərə gələn İtaliya Respublikası Baş nazirinin
birinci müavini Klaudio De Vinçentini qəbul edib. |
