|
Qubadlının Mahmudlu kənd tam orta məktəbində
ədəbiyyatsevər şagirdlərin iştirakı ilə Azərbaycanın
xalq şairi, böyük ictimai-siyasi xadim Bəxtiyar
Vahabzadənin 90 illik yubileyi ilə əlaqədar geniş tədbir
keçirilib. Tədbirdə şairin əsərlərindən ibarət sərgi
təşkil olunub, "Gülüstan" poemasından parçalar
səsləndirilib. Şagirdlərin ana, vətən haqqında şeirləri,
şairin sözlərinə bəstələnmiş mahnılar səsləndirilib.
Tədbirin təşkilatçısı məktəbin ədəbiyyat müəllimi Almaz
Allahverdiyeva sonda Bəxtiyar Vahabzadə irsinin
məktəblilər üçün əvəzsiz xəzinə olmasını, şagirdlərdə
mütaliəyə böyük maraq doğurduğunu, onlarda mütaliə
vərdişlərinin təkmilləşdirilməsində xüsusi əhəmiyyət
daşıdığından danışıb. Tədbir diskussiya şəklində başa
çatıb. |
