|
Ötən əsrdə oturaq həyat tərzi bugünkü qədər kəskin
deyildi. Lakin bu gün insanların böyük qismi öz
vaxtlarını kompüter, televiziya qarşısında, avtomobildə
keçirir. Passiv hərəkət ofis işçiləri üçün əsl bəlaya
çevrilib. Məlumdur ki, bir sıra məşhur adamlar -
dövlət xadimləri, yazıçı-şairlər, alimlər də ayaq üstə
işləməyi, oxumağı-yazmağı seviblər. Onlardan Böyük
Britaniyanın sabiq baş naziri Uinston Çörçili, ABŞ-ın
3-cü prezidenti Tomas Cefersonu, görkəmli dövlət
xadimi, ABŞ Konstitusiyasının banilərindən biri, ölkənin
müstəqillik aktına ilk imza atmış Bencamin Franklini,
Nobel mükafatı laureatı Ernest Heminqueyi, italyan
rəssamı Leonardo da Vinçini, rus yazıçılarından
Aleksey Tolstoyu, Vladimir Nabokovu, Nikolay Qoqolu,
amerikalı yazıçı Filipp Rotu, Amerikanın keçmiş müdafiə
naziri Donald Ramsfeldi, dahi rus alimi Dmitri
Mendeleyevi, dahi fransız yazıçısı Viktor Hüqonu
göstərmək olar. Məşhur yazıçı E.Heminquey ona dünya
şöhrəti qazandırmış "Qoca və dəniz" povestini məhz ayaq
üstə yazmışdır. O, çap maşınını pəncərə altında
yerləşdirərək bir ayağını o birisi ilə dəyişdirməklə
saatlarla əsərini yazıb.
Hazırda dünyanın bir sıra nüfuzlu şirkətlərinin,
kompaniyalarının ofislərində də ayaq üstündə işləməyə
üstünlük verirlər. Facebook şirkətinin baş ofisinin
300-dən artıq əməkdaşı ayaq üstə işləyir. Ayaq üstə
işləmək- fikri cəmləşdirmək, böyük diqqət, düzgün onurğa,
maddələr mübadiləsinin yaxşılaşması, az yorğunluq,
daha çox işgörmə qabiliyyəti və bütün bunlara əlavə
olaraq yaxşı əhvali-ruhiyyə, özünü komfort hiss etmək
deməkdir.
www.obrzdrav.ru
|
