|
İyunun 3-də Lənkəran şəhərində "Bakı-2015" birinci
Avropa Oyunlarına həsr olunmuş velosiped yürüşü
keçirilib.
AZƏRTAC xəbər verir ki, yürüşdə 15 yaşından 60 yaşına
kimi 90-a yaxın peşəkar və həvəskar idmançı iştirak edib.
Yarışın keçirilməsində məqsəd gənclərin idmana olan
marağını artırmaq və ölkəmizdə keçirilən birinci Avropa
Oyunlarına dəstək olmaqdır.
Velosiped yürüşü səhər saatlarında şəhərin Bayraq
Meydanından start götürüb. Səkkiz kilometr məsafəni başa
vuran yürüş iştirakçıları Heydər Əliyev Parkında
alqışlarla qarşılanıblar.
Lənkəran Şəhər Gənclər və İdman İdarəsinin rəisi Yalçın
Əhmədov bildirib ki, birinci Avropa Oyunlarının
sonunadək rayonda idmanın müxtəlif növləri üzrə yarışlar
keçiriləcək.
Yürüşün sonunda həvəskar idmançılar Heydər Əliyev
Mərkəzində ulu öndərin zəngin və mənalı ömür yolunu əks
etdirən eksponatlar və fotoşəkillərlə tanış olublar. |
