|
 Bakı
"İstək" liseyinin şagirdlərinin növbəti medalı ABŞ-ın
Hyüston şəhərindən gəldi. Hyüston şəhərində 67 ölkədən
676 şagirdin iştirakı ilə keçirilən "I-SWEEEP" (International
Sustainable World Energy, Engineering & Environment
Project Olympiad) beynəlxalq olimpiadasında Nərimanov
"İstək" liseyinin IX sinif şagirdləri Sultan Vəliyev
və Orxan Məcidli "Çoxfunksiyalı elektrik istehsal edən
maşın" layihəsi ilə bürünc medala layiq görülüblər.
Məlumat üçün qeyd edək ki, "I-SWEEEP" olimpiadası,
Amerikanın Rays, Hyüston, Texas Texnik, Texas Austin,
Şimali Amerika universitetlərinin və "SKY" Fondunun
dəstəyi ilə dünyanın müxtəlif ölkələrinin lisey və
gimnaziya şagirdləri arasında keçirilən layihə
yarışmasıdır.
Sultan Vəliyev: - Bu il "I-SWEEEP" beynəlxalq gənc
ixtiraçılar layihə olimpiadasında ölkələr bir və ya bir
neçə layihə ilə təmsil olunurdu. Hər layihə üçün 2
şagird və 1 lider tələb olunurdu. Layihə olimpiadası 3
kateqoriya üzrə keçirilirdi: enerji, mühəndislik, ətraf
mühit. ABŞ-ın bir sıra universitetlərinin dəstək
verdiyi "I-SWEEEP" beynəlxalq gənc ixtiraçılar layihə
olimpiadası 13-18 yaşlı məktəblilər arasında keçirilir.
Müvəffəq olan şagirdlər birinci, ikinci və üçüncü yer
üzrə medallar və sertifikatlar ilə
mükafatlandırıldılar. Bizim hazırladığımız
"Çoxfunksiyalı elektrik istehsal edən maşın" layihəsi
isə bürünc medala layiq görüldü.
"İstək" liseyinin müəllimi Elnur Əzizov şagirdləri
barədə yüksək fikirdədir: Hər ikisi çox çalışqan və
ağıllı sagirdlərdir. Dərslərdə hər zaman hazırlıqlı və
fəallıqları ilə öndədirlər.
Oruc MUSTAFAYEV,
"Azərbaycan müəllimi" |
