|
 Mayın
29-da Gəncə Dövlət Universitetində təcrübə və karyera
şöbəsinin təşəbbüsü ilə "Məzun-2015" adlı əmək
yarmarkası keçirilib. Tədbiri giriş sözü ilə açan
GDU-nun rektoru, professor Yusif Yusibov öncə
təhsillərini başa vurmuş məzunları təbrik edib, gələcək
həyatlarında uğurlar diləyib.
Sonra rektor Yusif Yusibov universitetin həyatında və
təhsildə fərqlənən bir qrup məzunu fəxri fərmanla təltif
edib, bir qrup məzunun isə valideynlərinə təşəkkür
məktubu ünvanlandığını bildirib.
Humanitar məsələlər üzrə prorektor, dosent Asif Cavadov
çıxışında məzunların qazandıqları uğurlardan bəhs edib.
Riyaziyyat-informatika müəllimliyi ixtisasının məzunu
Əsli Aslanova müəllimlərə məzun yoldaşları adından dərin
təşəkkürünü bildirib.
Təcrübə və karyera şöbəsinin müdiri, dosent Mahir
Məmmədov məlumat verib ki, tədbirdə Qərb bölgəsini əhatə
edən 70-dən çox şirkətin, müxtəlif yönümlü
müəssisələrin, təhsil idarələrinin məsul şəxsləri, o
cümlədən 31 tam orta məktəbin nümayəndəsi iştirak edir.
Bu müəssisə və şirkətlər 669 iş yeri təklifi ilə
gəliblər.
Maqbet ƏHMƏDOV,
GDU-nun Mətbuat xidmətinin rəhbəri |
