|
 Bakı
Slavyan Universitetinin mətbuat xidmətindən aldığımız
məlumatda bildirilir ki, mayın 25-də BSU-da təhsildə
yüksək nailiyyətlərə, ali məktəbin ictimai həyatında
fəal iştirakına görə fərqlənən məzunlara rektor
tərəfindən "Fəxri məzun" diplomu və hədiyyələr təqdim
edilib. Mərasimdə universitetin rektoru, professor Asif
Hacıyev məzunları təbrik edib, onlara gələcək
həyatlarında müvəffəqiyyətlər, vətənimizin və doğma
universitetin adını daim uca tutmağı arzulayıb. Rektor
universitetin ölkəmizdə və dünyada tanıdılmasında
məzunların rolundan danışıb. Tədbirdə valideynlər və
tələbələr çıxış edərək universitetin rəhbərliyinə və
kollektivinə təşəkkürlərini bildiriblər.
Tələbələrlə yanaşı, BSU-nun Məktəb-Lisey Kompleksində
təhsilini uğurla başa vuran XI sinif məzunları da diplom
və hədiyyələrlə mükafatlandırılıblar.
Sonda tələbələrin ifasında bədii kompozisiya təqdim
olunub.
Şakir CƏFƏROV,
"Azərbaycan müəllimi" |
