|
Azərbaycan Dövlət Mədəniyyət və İncəsənət
Universitetinin "Səda" Tədris Teatrında "Evlənmə"
tamaşası nümayiş olunub. N.Qoqolun eyniadlı pyesi
əsasında hazırlanmış "Evlənmə" tamaşası ADMİU-nun "Dram
teatrı və kino aktyorluğu" ixtisası üzrə təhsil alan IV
kurs tələbələrinin diplom işidir. Kursun rəhbəri və
tamaşanın quruluşçu rejissoru ADMİU-nun professoru,
Azərbaycan Respublikasının əməkdar artisti Gülşad
Baxşıyevadır.
Tamaşada ADMİU-nun aktyor sənəti fakültəsinin 4-cü kurs
tələbələri Şəbnəm Əliyeva (Aqafya Tixonovna), Ayşən
Mirzəyeva (Fyokla İvanovna), Könül Əbilova (Arina
Panteleymonovna), Əbdül Məcidli (İvan Kuzmiç Podkolyosin),
Ayaz Məmmədov (İlya Fomiç Koçkaryov), Elməddin Məmmədov
(İvan Pavloviç Yaiçnitsa), Məhəmməd Abdullazadə (Nikanor
İvanoviç Anuçkin), Elmir Yusifli (Baltazar Baltazaroviç
Jevakin), Nərgiz Cəbiyeva (Dunyaşa) və Seymur İkramlı (Stepan)
çıxış ediblər.
Elçin CƏFƏROV,
Akademik Milli Dram Teatrının mətbuat katibi |
