|
 Gəncə
Dövlət Universiteti şəhər ictimaiyyəti, ayrı-ayrı
kollektivlər və təhsil müəssisələri ilə sıx əməkdaşlıq
edir. Orta məktəblərlə bu əməkdaşlıq daha geniş
şəkildədir. Bu işdə pedaqoji təcrübədə olan tələbələrin
rolu xüsusilə böyükdür. Bu günlərdə Əhməd Cavad adına
şəhər 2 nömrəli tam orta məktəbdə pedaqoji təcrübədə
olan tələbələrin təşkil etdikləri tədbir bu baxımdan
diqqəti cəlb edir. Riyaziyyat-informatika fakültəsinin
"Riyaziyyat müəllimliyi" ixtisası üzrə III kurs
tələbələrinin 6-cı və 9-cu sinif şagirdləri ilə
birlikdə keçirdikləri riyaziyyat gecəsini giriş sözü ilə
açan məktəbin direktoru Sahibə Abdullayeva
universitetlə əlaqələrin şagirdlərin təhsilinə müsbət
təsir göstərdiyini bildirib, gecəni təşkil edənlərə,
qonaqlara təşəkkür edib.
Gecə III kurs tələbələrindən Şəfiqə Alıyeva və Rəfiqə
Hacızadənin məharətli aparıcılığı ilə davam edib.
Tələbə və şagirdlərin hazırladıqları bir-birindən
məzmunlu səhnələr ilk andan tamaşaçıları özünə cəlb edib
və onlarda ciddi maraq oyadıb. 7-ci sinif şagirdi Aysun
Bayramova və 9-cu sinif şagirdi Aytən Allahverdiyevanın
ifa etdikləri "Azərbaycan" mahnısı gecəni daha da
canlandırıb.
Gecənin sonunda qonaqlar və məktəbin müəllimləri öz
ürək sözlərini bildirərək, belə tədbirlərin hər iki
müəssisə üçün faydalı olduğunu vurğulayıblar.
Maqbet ƏHMƏDOV,
GDU-nun Mətbuat xidmətinin rəhbəri |
