|
 Azərbaycan
Dillər Universitetində elmi işlər üzrə prorektor,
professor Dünyamin Yunusovun elmi yaradıcılığına həsr
olunmuş "dəyirmi masa" keçirilib.
ADU-nun Kitabxana İnformasiya Mərkəzinin müdiri Nuranə
Tağıyeva və bölmə müdiri Güllüzar Məmmədovanın
təşkilatçılığı ilə keçirilən "dəyirmi masa"da
universitetin tərbiyə işləri üzrə prorektoru, professor
Ələddin Əliyev, fakültə dekanları, kafedra müdirləri,
professor-müəllim heyəti, pedaqoji (ingilis dili-fransız
dili), filologiya və jurnalistika fakültələrinin
tələbələri iştirak ediblər.
Tədbirdə ADU-nun prorektoru, professor Ələddin Əliyev
çıxış edərək professor Dünyamin Yunusovun
universitetdəki fəaliyyəti haqqında danışıb. D.Yunusovu
gözəl insan, əziz dost və bacarıqlı həmkar kimi
xarakterizə edən prorektor onun tələbələrə həmişə
dəstək olduğunu vurğulayıb.
ADU-nun filologiya və jurnalistika fakültəsinin dekanı,
professor Sevda Vahabova, regionşünaslıq və beynəlxalq
münasibətlər fakültəsinin dekanı Anar Nağıyev,
lingvokulturologiya kafedrasının müdiri, professor
Məsməxanım Qazıyeva, ikinci xarici dil kafedrasının
müdiri, professor Şaban Şabanov, ümumi dilçilik
kafedrasının professoru Fəxrəddin Veysəlli, sosial
elmlər kafedrasının professoru Məhəmməd Teymurlu,
fransız dilinin leksikologiyası kafedrasının professoru
Çəmən Babaxanova, pedaqoji (ingilis dili-fransız dili)
fakültəsinin 322 "a" qrup tələbəsi, ADU Tələbə Gənclər
Təşkilatının sədr müavini Coşğun Dadaşov və b. çıxış
edərək professor Dünyamin Yunusovun elmi
yaradıcılığından söz açıblar.
Türkiyə Araşdırmalar Uluslararası Elmlər Akademiyasının
fəxri professoru, "Avropa" kitab evinin qızıl medalçısı
Hacı Tofiq Seyidzadə Dünyamin Yunusov haqqında ürək
sözlərini söyləyib.
ADU-nun elmi işlər üzrə prorektoru, professor Dünyamin
Yunusov ilk növbədə tədbirin təşkilində xüsusi zəhməti
olan universitetin rektoru, Milli Məclisin deputatı,
professor Səməd Seyidova minnətdarlığını bildirib.
Tələbələrlə işləməkdən zövq aldığını deyən D.Yunusov
onların elmə maraqlarının artmasını gördükdə böyük
sevinc və fəxr hissləri keçirdiyini vurğulayıb.
Sonra professor Dünyamin Yunusovun müəllifi və redaktoru
olduğu kitablardan ibarət sərgiyə baxış keçirilib.
Gözəl insan, tanınmış alim D.Yunusov həm də "Avropa"
Nəşr Mətbuat Evinin təsis etdiyi "Ən yaxşı tədqiqatçı
alim" qızıl medalına layiq görülüb.
Şakir CƏFƏROV,
"Azərbaycan müəllimi" |
