|
 Aprelin
30-da Azərbaycan Dövlət İqtisad Universitetində (ADİU)
ulu öndər Heydər Əliyevin anadan olmasının 92-ci
ildönümünə həsr olunan "Heydər Əliyev və müasir
Azərbaycanın aqrar siyasəti" mövzusunda elmi-praktik
konfrans keçirilib.
Tədbir Fəxri xiyabanı ziyarətlə başlayıb. Konfrans
iştirakçıları ümummilli lider Heydər Əliyevin məzarını
ziyarət edərək, məzarı önünə əklil qoyublar. Görkəmli
oftalmoloq alim, akademik Zərifə xanım Əliyevanın da
xatirəsi ehtiramla yad edilib, məzarı önünə tər çiçəklər
qoyulub.
Tədbiri giriş sözü ilə açan ADİU-nun rektoru, professor
Ədalət Muradov ulu öndər Heydər Əliyevin Azərbaycana
rəhbərlik etdiyi bütün dövrlərdə aqrar sahəni
iqtisadiyyatın prioritet istiqaməti kimi
qiymətləndirdiyini, bu sahəyə xüsusi diqqət ayırdığını
bildirib.
Konfransda Milli Məclisin Aqrar siyasət komitəsinin
sədri, professor Eldar İbrahimov, kənd təsərrüfatı
nazirinin müavini Seyfəddin Talıbov da iştirak edib.
Tədbirdə rektor, professor Ə.Muradov "Kənd təsərrüfatı
ili" çərçivəsində Kənd Təsərrüfatı Nazirliyi ilə
birlikdə ADİU-nun qida məhsulları texnologiyası və ərzaq
mallarının əmtəəşünaslığı və ekspertizası kafedraları
nəzdində laboratoriyaların yaradılmasını təklif edib.
Tədbirin sonunda Yeni Azərbaycan Partiyasına üzv olan
ADİU-nun müəllim və tələbələrinə üzvlük bileti təqdim
olunub.
Rüfanə GÜNƏŞ,
"Azərbaycan müəllimi" |
