|
 Aprelin
19-da Bərdə Olimpiya İdman Kompleksində rayon gənclər
və idman idarəsinin və beynəlxalq Kyokuşinkaykan Karate
Federasiyasının birgə təşkilatçılığı ilə uşaqlar,
yeniyetmələr, gənclər, kişilər və qadınlar arasında
kyokuşinkaykan karate idman növü üzrə Respublika kuboku
yarışı keçirilib.
Tədbiri giriş sözü ilə Bərdə Rayon Gənclər və İdman
İdarəsinin rəisi Anar Şahbazov açaraq Prezident İlham
Əliyevin idmana göstərdiyi xüsusi diqqət və qayğıdan
danışıb.
Sonra Beynəlxalq Kyokuşinkaykan Karate Federasiyasının
prezidenti, IX dan qara kəmər ustası Teyyub Əzizov çıxış
edib.
Qeyd edək ki, ölkəmizin müxtəlif şəhər və rayonlarından
olan 20 komanda bu yarışda iştirak edib. Gərgin mübarizə
şəraitində keçən yarışda Bakının "Abşeron" klubu I,
Xırdalanın "Çempion" klubu II və "Sədərək" klubu III
yerləri tutublar.
Bərdə rayonunu bu yarışda I dan qara kəmər ustası,
məşqçi Pərviz Rəsulovun yetirmələri uğurla təmsil
ediblər. Belə ki, Bərdə təmsilçilərindən 5 nəfər I, 7
nəfər II, 2 nəfər isə III yerləri tutublar. |
