|
 Təhsil
Problemləri İnstitutunda "İlk peşə - ixtisas təhsili
üzrə mövcud təhsil standartlarının hazırlanması"
mövzusunda seminar-treninq keçirilib. Tədbirdə TPİ-nin
İlk peşə-ixtisas təhsili şöbəsinin müdiri Rəsul Əsgərov
çıxış edib.
İlk peşə-ixtisas təhsilinin məzmunu, idarə olunması,
maddi-texniki və tədris bazası, infrastrukturu,
təhsilverənlərin keyfiyyət göstəriciləri,
təhsilalanların bilik, bacarıq, vərdiş səviyyəsi və
s. məsələləri əhatə edən təqdimatdan sonra seminar-
treninq iştirakçıları mövzu ətrafında geniş müzakirə
aparıblar. Mövcud ilk peşə-ixtisas təhsilinin məzmununda
gələcəkdə ediləcək dəyişikliklər və əlavələr barədə rəy
və təkliflər bildirilib.
Seminar-treninqə ilk peşə-ixtisas təhsili
müəssisələrinin direktorları, tədris istehsalat işləri
üzrə direktor müavinləri, metodbirləşmələrin sədrləri,
ixtisas fənn müəllimləri, baş ustalar, istehsalat təlimi
ustaları, institutun müvafiq şöbəsinin əməkdaşları və b.
iştirak ediblər.
TPİ-nin Beynəlxalq əməkdaşlıq və informasiya şöbəsi
|
