|
"Vətən" Respublika İxtisaslaşdırılmış Olimpiya
Ehtiyatları Uşaq-Gənclər (RİOEUG) Futbol Məktəbinin U-15
komandası Rusiyanın Stavropol şəhərində XV ənənəvi
beynəlxalq futbol turnirində iştirak edib.
Turnirə 19 nəfərlik heyətlə qatılan "Vətən"in komandası
bir həftə ərzində Rusiyanın müxtəlif şəhərlərini, o
cümlədən Stavropol, Mahaçqala və Rostovu təmsil edən
rəqiblərlə qarşılaşıblar.
İlk turda inamlı oyun nümayiş etdirən idmançılarımız
qrup mərhələsini asanlıqla keçib. Yarımfinal
mərhələsində "Vətən" "UOR Stavropol" komandasına
penaltilər seriyasında qalib gələrək finala vəsiqəni
təmin edib. Finalda "DUSŞ Stavropol" komandasına məğlub
olan futbolçularımız turniri gümüş medalla başa vurub.
Komanda fərdi nailiyyətlərinə görə də mükafatlandırılıb.
Məşqçi-müəllim Ramiz Əliyev "turnirin ən yaxşı
məşqçisi", komanda üzvü Sultan Mustafayev "turnirin ən
yaxşı yarımmüdafiəçisi" adına layiq gorülüblər. Turnirin
təşkilatçıları tərəfindən komandaya xatirə hədiyyələri,
idman geyimi və toplar təqdim olunub. |
