|
Azərbaycan Dövlət Mədəniyyət və İncəsənət
Universitetində ilk tyutor hazırlığı kurslarını başa
vurmuş tyutorlara sertifikatların təqdimetmə mərasimi
keçirilib. ADMİU-nun rektoru, professor Fərəh Əliyeva
çıxış edərək Bolonya prosesinə qoşulmuş ali təhsil
müəssisələrində tyutorlara ciddi ehtiyac olduğunu,
onların işlərinin daha ağır və böyük məsuliyyət tələb
etdiyini vurğulayıb, onlara uğurlar arzulayıb. Rektor
qeyd edib ki, bu kurslar gələcəkdə də davam etdiriləcək.
Qeyd edək ki, tyutor kursları 2014-cü il noyabrın 6-dan
2015-ci il aprelin 6-na kimi davam edib. Kursun
keçirildiyi müddətdə təhsilini və yekun imtahanını
müvəffəqiyyətlə başa vurmuş namizədlərdən 7 nəfəri A
sertifikatına (qırmızı), 1 nəfəri isə B sertifikatına
(göy) layiq görülüb. |
