|
* Aprelin 16-da Azərbaycan Respublikasının Prezidenti
İlham Əliyev Bakı Metropolitenində olub, Nəriman
Nərimanov adına elektrik deposunda metropolitenin qatar
parkının yenilənməsi məqsədilə paytaxta gətirilən yeni
qatarlarda yaradılan şəraitlə maraqlanıb.
* Aprelin 15-də dövlət başçısı İlham Əliyev Bakıda
"İslam maarifçiliyi və müasir dövr" mövzusunda keçirilən
Beynəlxalq konfransın iştirakçılarına məktub ünvanlayıb.
* Prezident İlham Əliyev aprelin 15-də İtaliya
Respublikasının iqtisadi inkişaf naziri Federika
Quidinin başçılıq etdiyi nümayəndə heyətini qəbul edib.
* Aprelin 15-də ölkə başçısı İlham Əliyev Azərbaycan
Respublikası hökuməti və Xorvatiya Respublikası hökuməti
arasında iqtisadi əməkdaşlığı təşviq etmək məqsədi ilə
Birgə Komissiyanın Azərbaycan Respublikası tərəfindən
tərkibinin təsdiq edilməsi haqqında sərəncam imzalayıb.
* Dövlət başçısı İlham Əliyev aprelin 14-də Serbiya
Respublikasının Baş naziri Aleksandr Vuçiçin başçılıq
etdiyi nümayəndə heyətini qəbul edib.
* Aprelin 14-də Azərbaycan Respublikasının Prezidenti
İlham Əliyev Rusiya Federasiyası Tatarıstan
Respublikasının Prezidenti Rüstəm Minnixanovun başçılıq
etdiyi nümayəndə heyətini qəbul edib.
* Prezident İlham Əliyev aprelin 11-də Astara rayonunda
və Lənkəran şəhərində səfərdə olub. Dövlət başçısı
səfəri çərçivəsində bir sıra sosial və iqtisadi yönümlü
obyektlərin, o cümlədən Lənkəranda yeni inşa olunan
körpələr evi-uşaq bağçasının açılışında iştirak edib,
bəzilərində isə yaradılan şəraitlə tanış olub.
* Aprelin 10-da Azərbaycan Respublikasının Prezidenti
İlham Əliyevin sədrliyi ilə Nazirlər Kabinetinin 2015-ci
ilin birinci rübünün sosial-iqtisadi inkişafının
yekunlarına və qarşıda duran vəzifələrə həsr olunan
iclası keçirilib. |
