|
 "Təhsil"
Respublika İdman Mərkəzinin İxtisaslaşdırılmış Olimpiya
Ehtiyatları Uşaq-Gənclər Futbol Məktəbinin komandaları
U-13 və U-16 YUNİSEF qızlar liqası üzrə Azərbaycan
futbol çempionatında uğurla çıxış edib. U-13 qızlar
liqası 3 yarımqrupda 33 komandanın iştirakı ilə şərq,
qərb və şimal zonaları üzrə keçirilib. İOEUG Futbol
Məktəbinin yetirmələri şərq zonasında 6 komandanın
iştirakı ilə keçirilən qrupda yer alıb. Məktəbin
komandası qrup üzrə bütün oyunlarda qələbə qazanaraq
finala çıxıb və 2-ci yeri tutub.
U-16 YUNİSEF qızlar liqası 16 komandanın iştirakı ilə 2
yarımqrupda - şərq və qərb zonalarına bölünərək
keçirilib. İOEUG Futbol Məktəbinin bu liqada mübarizə
aparan komandası çempionatın qalibi olub.
Çempionatda I, II və III yerləri tutan komandalara
diplomlar təqdim olunub. |
