|
Gəncə Dövlət Universiteti Tələbə Gənclər Təşkilatının
"Fikir çərşənbəsi" adlı layihəsi əsasında tələbələrlə
professorların görüşü təşkil olunur. Aprelin 7-də
universitetdə növbəti belə tədbir keçirilib. "Fikir
çərşənbəsi"nin budəfəki qonağı botanika kafedrasının
müdiri, biologiya elmləri doktoru, professor, əməkdar
elm xadimi Vaqif Novruzov olub.
Səmimi keçən görüşdə professor Vaqif Novruzov
tələbələrə öz həyatından, təhsil illərindən, elmi
yaradıcılığından, əldə etdiyi uğurlardan, eləcə də
kafedradakı fəaliyyətindən danışıb.
Professorun hazırda Gəncə Dövlət Universitetində çalışan
yetirmələri öz ustadları haqqında ürək sözlərini
bölüşüb, onun qayğıkeşliyindən, eyni zamanda rəhbər kimi
elmdə güzəştsiz tələbkarlığından qürur hissi ilə söz
açıblar. Bildirilib ki, şərəfli bir həyat yolu keçmiş
pofessorun həyat və fəaliyyəti tələbələrə əsl örnəkdir.
Sonda professor tələbələri maraqlandıran sualları
cavablandırıb.
Maqbet ƏHMƏDOV,
GDU-nun Mətbuat xidmətinin rəhbəri |
