|
 "Naxçıvan"
Universitetinin konfrans zalında "Azərbaycanın tarixi
coğrafiyasının aktual problemləri" mövzusunda respublika
konfransı keçirilib.
Plenar iclası giriş sözü ilə universitetin rektoru,
professor İsmayıl Əliyev açaraq konfransın Azərbaycan
elminin ən ağrılı, tarixşünaslığımızda hələlik
lazımınca işlənməmiş, amma eyni zamanda çox böyük
əhəmiyyətə malik olan bir məsələyə həsr olunduğunu qeyd
edib.
Plenar iclasda AMEA Naxçıvan Bölməsinin sədri,
Azərbaycan Respublikası Milli Məclisinin üzvü, akademik
İsmayıl Hacıyev çıxış edərək muxtar respublikada elmin,
təhsilin ikişafına göstərilən qayğıdan söz açıb.
Konfransda öz fikirlərini bölüşən Naxçıvan Dövlət
Universitetinin rektoru, AMEA-nın müxbir üzvü Saleh
Məhərrəmov Azərbaycanın tarixi coğrafiyasının aktual
problemlərindən bəhs edərək, keçirilən konfransın
əhəmiyyətindən danışıb.
AMEA-nın Naxçıvan Bölməsinin Tarix, Etnoqrafiya və
Arxeologiya İnstitutunun direktoru, AMEA-nın müxbir
üzvü, tarix elmləri doktoru, professor Fəxrəddin Səfərli
"Naxçıvan şəhərindəki Əcəmi Naxçıvani yadigarlarının
kitabələri", Naxçıvan Dövlət Universitetinin cografiya
kafedrasının müdiri, coğrafiya üzrə fəlsəfə doktoru,
dosent Nazim Bababəyli "Azərbaycanda coğrafiya elminin
inkişafının dünəni və bu günü", "Naxçıvan"
Universitetinin tədris işləri üzrə prorektoru, tarix
üzrə fəlsəfə doktoru, dosent İbrahim Kazımbəyli "XX
yüzilliyin 20-ci illərində Azərbaycanda milli
dövlətçilik problemi" mövzularında çıxışlar ediblər.
Konfrans öz işini "Tarix", "Coğrafiya", "İqtisadiyyat",
"Folklor və mədəniyyət" adlı bölmələrdə davam etdirib.
"Naxçıvan" Universitetinin mətbuat xidməti
|
