|
 Polşanın
Valbrzix şəhərində güləş üzrə U-23 Avropa çempionatı
başa çatıb. İlk dəfə keçirilən çempionatda 19-23 yaş
arası idmançılar mübarizə aparıblar.
AZƏRTAC xəbər verir ki, çempionatın son günündə 66, 75,
85 və 130 kiloqram çəki dərəcələrində yunan-Roma
güləşçiləri mübarizə aparıblar.
Turnirdə 85 kiloqram çəki dərəcəsində mübarizə aparan
gənclər arasında dünya və Avropa çempionu İslam Abbasov
yarışa Ukrayna və İsveç güləşçiləri üzərində ardıcıl
qələbə ilə başlayıb. Almaniya təmsilçisi ilə gərgin
keçən görüşdə uduzan güləşçimiz rəqibin finala
yüksəlməsi ilə təsəlliverici görüşə qatılıb. Rusiya
idmançısı ilə bərabər səviyyəli görüşdə qalib olan
İ.Abbasov bürünc medal uğrunda həlledici görüşə çıxıb.
Bolqarıstan idmançısı üzərində qələbə güləşçimizə bürünc
medal qazandırıb.
Çempionatda yığmamız ümumilikdə 9 medal qazanıb. İki
gümüş (Məhəmmədhacı Xatiyev (86 kq) və Nurməhəmməd
Hacıyev (97 kq)) və 2 bürünc medal (Məhəmməd Müslümov
(65 kq) və Əli Maqomedabirov (125 kq)) sərbəst
güləşçilərin, 1 qızıl (Alyona Kolesnik (55 kq)) və 2
bürünc medal (Solmaz Həşimzadə (53 kq)) və Elmira
Qəmbərova (63 kq)) qadın güləşçilərin payına düşüb.
Yunan-Roma güləşçilərimizdən Eldəniz Əzizli (59 kq) də
çempionatı üçüncü pillədə başa vurub. |
