|
İsraildə keçirilən kişilər arasında şahmat üzrə Avropa
çempionatında beşinci turun oyunları başa çatıb.
Azərbaycan Şahmat Federasiyasından bildiriblər ki, 33
ölkədən 250 idmançının mübarizə apardığı çempionatda
respublikamızı Rauf Məmmədov, Nicat Abbasov və Vüqar
Rəsulov təmsil ediblər.
Beşinci turda Rauf Məmmədov Polşa şahmatçısı Daniel
Sadzikovski, Vüqar Rəsulov isə İsrail təmsilçisi
Konstantin Zalkind üzərində qələbə qazanıb. Nicat
Abbasov isə Çexiya nümayəndəsi Viktor Laznicka ilə sülh
bağlayıb. Beş turdan sonra Rauf Məmmədov 3,5 xalla
17-59-cu yerləri bölüşdürür. Nicat Abbasov və Vüqar
Rəsulov 3 xal toplayıblar.
Turnirin lideri beş oyundan aktivinə 4,5 xal yazdıran
ukraynalı Anton Korobovdur. Qeyd edək ki, çempionat
İsveçrə sistemi üzrə 11 turdan ibarət olmaqla keçirilir. |
