|
 Fevralın
25-də Azərbaycan Müəllimlər İnstitutunda Xocalı
soyqırımının 23-cü ildönümü ilə bağlı anım mərasimi
keçirilib.
Xocalı soyqırımı şəhidlərinin xatirəsi bir dəqiqəlik
sükutla yad edilib.
Azərbaycan Müəllimlər İnstitutunun rektoru, Milli
Məclisin deputatı, professor Aqiyə Naxçıvanlı tədbiri
giriş sözü ilə açaraq bildirib ki, Xocalı soyqırımına
məhz ümummilli lider Heydər Əliyevin təşəbbüsü və
diqqəti sayəsində hüquqi-siyasi qiymət verilmişdir.
1994-cü il fevralın 24-də Milli Məclisdə Xocalı
soyqırımı ilə bağlı qərar və bəyanat qəbul edilərək
dünya parlamentlərinə, beynəlxalq təşkilatlara
göndərilmişdir.
Vurğulanıb ki, Heydər Əliyev Fondunun prezidenti
Mehriban xanım Əliyeva və Fondun vitse-prezidenti Leyla
xanım Əliyevanın dəstəyi ilə son illər Avropanın,
Asiyanın, Afrikanın, Şimali və Cənubi Amerikanın 70-dən
çox ölkəsində bu faciəyə həsr olunmuş tədbirlər
keçirilir. "Xocalıya ədalət" kampaniyası çərçivəsində
soyqırımına həsr olunmuş silsilə tədbirlər Fondun təmin
etdiyi təbliğat materialları əsasında həyata keçirilir.
Aparılan geniş təbliğat işləri nəticəsində Meksika,
Pakistan, Kolumbiya, Çexiya, Bosniya və Herseqovina,
Peru, Honduras kimi ölkələr, İslam Əməkdaşlıq
Təşkilatına üzv ölkələr, Amerika Birləşmiş Ştatlarının
15 ştatı Xocalı soyqırımını rəsmən tanımışdır.
Sonra Milli Məclisin deputatı Flora Qasımova
azərbaycanlılara və türk xalqlarına qarşı ermənilərin
soyqırım siyasətindən söz açıb.
Çıxışlardan sonra isə tədbir iştirakçıları Qarabağ
mövzusunda Aqil Abbasın eyniadlı romanı əsasında
çəkilmiş "Dolu" bədii filmini izləyiblər.
Mətbuat və informasiya şöbəsi |
