|
 Aydan
Hikmət qızı Höccətova 1999-cu il aprelin 6-da anadan
olub. Hazırda Bakı Avropa Liseyinin 10-cu sinfində
təhsil alır.
Aydan kiçik yaşlarından şahmatla oynamağa başlamışdır.
İlk beynəlxalq yarışına 5 yaşında ikən Moskvada
qatılmışdır və dünya çempionu Anatoliy Karpov tərəfindən
diplomla mükafatlandırılmışdır.
2005-ci ildə, 6 yaşında Serbiyada keçirilən 10 yaşlı
qızlar arasında Avropa çempionatında iştirak etmişdir.
2006-cı ildə ümummilli lider Heydər Əliyevin xatirəsinə
həsr olunmuş Prezident Kubokunda 10 yaşlı qızlar
arasında 1-ci yeri tutmuşdur.
2007-ci ildə Gürcüstanın Batumi şəhərində keçirilən 8
yaşlıların ilk Avropa çempionatında 1-ci yeri
qazanmışdır. Həmin ildə Türkiyənin Antalya şəhərində
keçirilən 8 yaşlıların dünya çempionatında 2-3-cü
yerləri bolüşdürmüşdür. Aydan Höccətova Bakı Şəhər
Gənclər və İdman Baş İdarəsinin Yeni Azərbaycan
Partiyasının Gənclər Birliyi ilə birgə 2007-ci ilin
dekabrında təşkil etdiyi mərasimdə "İlin şahmatçısı"
seçilmiş, gənclər və idman naziri Azad Rəhimov
tərəfindən medal və diplomla təltif olunmuşdur. 2009-cu
ildə İtaliyanın Fermo şəhərində keçirilən 10 yaşlı
qızların Avropa çempionatında 2-ci yeri tutmuş, həmin
ildə isə yenidən Türkiyənin Antalya şəhərində keçirilən
dünya çempionatında, 2014-cü ilin oktyabr ayında
Gürcüstanın Batumi şəhərində keçirilən 16 yaşlı qızların
Avropa çempionatında 2-3-cü yerləri bolüşdürmüşdür.
2013-cü ilin noyabr ayında Türkiyənin Əskişəhərində
keçirilən türkdilli xalqların olimpiadasında 2-ci yeri
tutmuşdur. Aydan Bakı və Azərbaycan çempionatlarının,
həmçinin olimpiadaların qalibidir. Hazırda Aydan 2016-cı
ildə Bakıda keçiriləcək Ümumdünya Şahmat Olimpiadasına
hazırlaşır. |
