|
 Fevralın
16-da "Naxçıvan" Universitetində pedaqoji və xarici
dillər fakültələrinin əyani şöbə üzrə III kurs
tələbələrinin 2014-2015-ci tədris ilinin ikinci
semestrinə aid pedaqoji təcrübənin başlanğıc konfransı
keçirilib. Konfransı giriş sözü ilə açan universitetin
tədris işləri üzrə prorektoru, tarix üzrə fəlsəfə
doktoru, dosent İbrahim Kazımbəyli pedaqoji təcrübənin
tələbələrin həyatlarında önəmli olduğunu söylədi və
onların təhkim olunduqları təhsil ocaqlarında
universitetin adına layiq şəkildə nizam-intizam
qaydalarına riayət etmələrini, pedaqoji təcrübədə əldə
etdikləri bilik və bacarıqları yüksək səviyədə nümayiş
etdirmələrini tövsiyə edib. Prorektor onu da vurğuladı
ki, 2014-2015-ci tədris ilində "Naxçıvan"
Universitetinin 102 tələbəsi muxtar respublikanın 3 tam
orta məktəbində pedaqoji təcrübə keçəcək. Tələbələr
Heydər Əliyev adına, 8 və 15 nömrəli tam orta
məktəblərdə təcrübədə olacaqlar.
Pedaqogika və psixologiya kafedrasının müdiri Nəzakət
Yusifova "Pedaqoji və psixoloji rəhbərlərin vəzifələri",
pedaqoji fakültənin dekan müavini Nazim Mahmudov "Pedaqoji
təcrübənin təşkili, gedişi və yekunlaşdırılması haqda"
mövzularında çıxış ediblər. Çıxışlarda pedaqoji
təcrübənin səmərəli aparılması, yaxşı nəticələrin əldə
olunmasının bu işə cəlb olunanların ciddi və
məsuliyyətli münasibətindən asılı olduğu diqqətə
çatdırıldı, təcrübəçi tələbələrin təhkim olunduqları
məktəbdə keçirilən tədbirlərdə iştirakı, eyni zamanda
onların da tədbirlərin təşkili ilə bağlı təşəbbüslərin
zəruriliyindən danışılıb.
 Konfrans
iştirakçılarına pedaqoji təcrübənin sonunda təhvil
veriləcək sənədlər, qiymətləndirmə meyarı, "açıq
dərs"lərin təşkili barədə məlumat verilib.
Mətbuat xidməti |
