|
*
Azərbaycan Respublikasının Prezidenti
İlham Əliyev fevralın 20-də "Kitabi-Dədə Qorqud"un alman
dilində ilk tərcüməsi və nəşrinin 200 illiyinin qeyd
edilməsi haqqında sərəncam imzalayıb.
*
Fevralın 17-də Azərbaycan
Respublikasının Prezidenti İlham Əliyev ABŞ dövlət
katibinin Avropa və Avrasiya məsələləri üzrə müavini
xanım Viktoriya Nulandın başçılıq etdiyi nümayəndə
heyətini qəbul edib.
*
Prezident İlham Əliyev fevralın
16-da İran İslam Respublikasının xarici işlər naziri
Məhəmməd Cavad Zərifin başçılıq etdiyi nümayəndə
heyətini qəbul edib.
*
Fevralın 16-da dövlət başçısı İlham
Əliyev ATƏT-in Minsk qrupunun həmsədrləri Pyer Andryönu
(Fransa), İqor Popovu (Rusiya), Ceyms Uorliki (ABŞ) və
ATƏT-in fəaliyyətdə olan sədrinin xüsusi nümayəndəsi
Anji Kaspşiki qəbul edib.
*
Azərbaycan Respublikasının Prezidenti
İlham Əliyev fevralın 16-da "Yanğın təhlükəsizliyi
haqqında" Azərbaycan Respublikasının Qanununda
dəyişikliklər edilməsi barədə" Azərbaycan
Respublikasının 2015-ci il 2 fevral tarixli 1175-IVQD
nömrəli Qanununun tətbiqi haqqında sərəncam imzalayıb.
*
Fevralın 16-da dövlət başçısı İlham
Əliyev "Əhalinin sağlamlığının qorunması haqqında"
Azərbaycan Respublikasının Qanununda dəyişikliklər
edilməsi barədə" Azərbaycan Respublikasının 2015-ci il 2
fevral tarixli 1177-IVQD nömrəli Qanununun tətbiqi
haqqında sərəncam imzalayıb. |
