|
Gəncə Dövlət Universitetində ulu öndər Heydər Əliyevin
fəaliyyətinin, müstəqilliyimizin qorunması,
iqtisadiyyatın inkişaf etdirilməsi və gücləndirilməsi
sahəsində gördüyü irimiqyaslı işlərin öyrənilməsi
həmişə diqqət mərkəzindədir. Bu məqsədlə ulu öndərin
xatirəsinə həsr olunmuş "Nə? Harada? Nə zaman?" oyunu
üzrə bilik yarışları, ümummilli liderin anım gününə həsr
edilmiş konfranslar, inşa müsabiqələri keçirilir,
tələbələr bu layihələrdə həvəslə iştirak edirlər.
Universitetin Tələbə Gənclər Təşkilatının təşkilatçılığı
ilə həyata keçirilən "Milli qəhrəmanları tanıyaq və
tanıdaq" layihəsi də tələbə gənclərin vətənpərvərlik
tərbiyəsində mühüm rol oynayır.
Bu baxımdan Qarabağ döyüşlərində qəhrəmanlıqlar
göstərmiş İbad Hüseynovla keçirilən görüş xüsusilə
maraqlı olmuş və tələbələrin yaddaşında dərin iz
buraxmışdır.
"Vətəni tanı" layihəsi əsasında intellektual interaktiv
oyunların keçirilməsi, ayrı-ayrı fakültə tələbələrinin
kollektiv şəkildə Gəncə Tarix-Diyarşünaslıq Muzeyinə, "Qala
Qapıları Arxeologiya və Etnoqrafiya Muzeyi" abidə
kompleksinə davamlı ekskursiyaları nəticəsində
arxeoloji-etnoqrafik materiallarla, maddi mədəniyyət
nümunələri ilə tanışlıq onların tariximizlə daha da
məlumatlandırılmasında, aldıqları biliklərin
zənginləşməsində xüsusi əhəmiyyət kəsb edir. Xalqımızın
zəngin, qədim, qəhrəmanlıqlarla dolu tarixi bugünkü
gəncliyin qürur mənbəyidir. Onların vətənə məhəbbət,
Vətənin daha da qüdrətli olmasına maraq və sevgi
hisslərini tərbiyələndirir.
Universitetin gənclər təşkilatı bu istiqamətdə
fəaliyyətini daha da genişləndirir, yeni-yeni layihələr
üzərində işlənilir. İkinci semestrdən qəbul edilmiş yeni
layihələrin reallaşmasına başlanılıb.
Maqbet ƏHMƏDOV,
GDU-nun Mətbuat xidmətinin rəhbəri |
