|
 Dahi
rus bəstəkarı P.İ.Çaykovskinin 175 illik yubileyi ilə
əlaqədar 2015-ci ilin may ayında P.İ.Çaykovski adına
Milli Mədəniyyət Təsisi Fondu Moskva Dövlət
Konservatoriyası ilə birgə müasir bəstəkarların musiqi
irsinin "Çaykovski - irs" ("Çaykovkiy - nasledie")
Beynəlxalq müsabiqə-festivalını təşkil edəcək Moskva
müsabiqə-festivalı çərçivəsində əməkdər incəsənət xadimi,
sənətşünaslıq üzrə elmlər doktoru, Azərbaycan
Respublikası Bəstəkarlar İttifaqının üzvü, Üzeyir
Hacıbəyli adına Bakı Musiqi Akademiyasının professoru
Tərlan Seyidovun müəllif layihəsi ilə Beynəlxalq
elmi-ifaçılıq konfransı keçiriləcək.
Elmi-ifaçılıq konfrans janrı professor Tərlan Seyidovun
müəllif layihəsi olduğuna görə o, moskvalı həmkarları
tərəfindən Beynəlxalq elmi-ifaçılıq konfransının rəyasət
heyətinin sədri qismində, professor Fərhad Bədəlbəyli
isə münsiflər heyətinin üzvü kimi xüsusi dəvət olunublar.
P.İ.Çaykovski adına Milli Mədəniyyət Təsisi Fondunun
prezidenti D.A.Qalixin professor T.Seyidova öz rəsmi
müraciətində yazır: "Sizi Beynəlxalq elmi-ifaçılıq
konfransının rəyasət heyətinin sədri qismində iştirak
etməyə dəvət edirik. Siz bu layihənin müəllifisiniz və
Sizin şəxsi iştirakınız bizim üçün vacibdir".
İlk dəfə belə elmi-ifaçılıq konfransı 2010-cu ildə
Bakıda BMA-nın rektoru, SSRİ xalq artisti, professor
Fərhad Bədəlbəylinin rəhbərliyi altında keçirilib və
Qara Qarayevin yaradıcılığına həsr olunub. Layihə
Azərbaycanın birinci xanımı Mehriban Əliyevanın
rəhbərlik etdiyi Heydər Əliyev Fondunun dəstəyi ilə
Mədəniyyət və Turizm Nazirliyi, Təhsil Nazirliyi və
Azərbaycan Bəstəkarlar İttifaqının birgə təşkilatçılığı
ilə həyata keçirilib. Bakı Beynəlxalq ifaçılıq
müsabiqə-konfransı YUNESKO işləri üzrə Azərbaycan Milli
komissiyanın birinci katibi Günay Əfəndiyevanın təklifi
ilə 2010-cu ili "Mədəniyyətlərin yaxınlaşması ili" elan
edən təhsil, elm və mədəniyyət məsələləri üzrə Birləşmiş
Millətlər Təşkilatının tədbirlər planına daxil olunub.
Professor Tərlan Seyidovun müəllif layihəsinə əsasən
işlənilmiş və dünya təcrübəsində analoqu olmayan bu
müsabiqə və konfransların əsas məqsədi musiqi sənətinin
ifaçılıq və elmi-tədqiqat problemlərinin inteqrasiyası,
ifaçılıq nəzəriyyəsinin təcrübə ilə yaxınlaşması və
vəhdətidir.
Birinci Bakı Beynəlxalq elmi-ifaçılıq konfransının
əsasnaməsi bəstəkar, musiqişünas və ifaçı-musiqiçilərin
Moskva Beynəlxalq elmi-ifaçılıq konfransının əsası
olacaq.
Afət İSLAM,
BMA-nın Mətbuat mərkəzi |
