|
Bakıdakı 5 nömrəli tam orta məktəbin "Övladınızın
təhsildə uğuru sizin təlim-tərbiyə işinə qoşulmağınızdan
asılıdır!" müraciəti valideynlər tərəfindən hər zaman
dəstəklənib. Bu ideyanın gerçəkləşməsi üçün məktəblə
valideynlər arasında əməkdaşlıq qurulmuş, müxtəlif
təlim-tərbiyə xarakterli tədbirlər keçirilib.
Valideyn-məktəb münasibətlərinin daha da möhkəmlənməsi
məqsədi ilə yanvarın 31-də 5 nömrəli tam orta məktəbdə
"Açıq qapı günü" keçirilib. "Açıq qapı günü"ndə
valideynlər müəllimlərlə görüşüb, siniflərə və
bütövlükdə məktəbə baxış keçirib, müxtəlif məsələlərlə
bağlı direktora və müəllimlərə müraciət ediblər.
"Açıq qapı günü"ndə məktəbə müxtəlif layihə və
müraciətlərlə gələnlər də olmuşdur. Gün ərzində
valideynlərlə onların övladlarının təlimdə uğurları
müzakirə edilmiş, bu sahədə şagirdin inkişafı ilə bağlı
yaranmış və yarana biləcək hər hansı bir problemin
aradan götürülməsi istiqamətində əməkdaşlıq görüşü də
keçirilib.
"Açıq qapı günü"ndə övladları məktəbdə təhsil alan
valideynlərin böyük əksəriyyəti iştirak edib.
Valideynlərə məktəb rəhbərliyi tərəfindən şagirdlərin
mütaliəsi ilə bağlı tövsiyə bukletləri də paylanmışdır. |
