|
 Yanvarın 25-də Müşfiq qəsəbəsi
İdman Sağlamlıq Mərkəzində Bakı Şəhəri üzrə Təhsil
İdarəsi 14 nömrəli Uşaq-Gənclər İdman Məktəbinin
yetirmələrinin iştirak etdiyi oğlanlar və qızlar
arasında cüdo üzrə açıq birinciliyi keçirilib.
100-ə yaxın idmançının qatıldığı
birinciliyin açılış mərasimində idman məktəbinin
direktoru Vüqar Hüseynov bildirib ki, yarışı keçirməkdə
məqsəd yeniyetmələr arasında bu idman növünə marağın
yüksəldilməsi və onların yarış təcrübəsinin
artırılmasıdır. Mərasimdə Təhsil Nazirliyinin
yeniyetmələrin məktəbdənkənar fəaliyyətinin səmərəli
təşkilinə böyük diqqət ayırdığı vurğulanıb.
İdmançıların valideynlərinin də
həvəslə izlədiyi yarış gərgin mübarizə şəraitində keçib.
Yarışın nəticələrinə əsasən I, II, III yerləri tutan
idmançılara kubok, medal və diplomlar təqdim edilib.
Rəşad RAMAZANOĞLU,
"Azərbaycan müəllimi"
r.ziyadov@muallim.edu.az |
