|
 Yanvarın
26-da Azərbaycan Dillər Universitetinin pedaqoji,
filologiya və jurnalistika fakültələrinin bakalavr
pilləsinin əyani və qiyabi şöbəsində təhsil alan
sonuncu kurs tələbələrinin pedaqoji təcrübəsinə həsr
olunmuş konfrans keçirilib.
Konfransı giriş sözü ilə açan universitetin tədris
işləri üzrə prorektoru Vazeh Əsgərov pedaqoji təcrübənin
tələbələrin həyatlarında önəmli olduğunu söyləyib.
ADU-nun elmi işlər üzrə prorektoru, professor Dünyamin
Yunusov, tərbiyə işləri üzrə prorektor, professor
Ələddin Əliyev tələbələrin təhkim olunduqları təhsil
müəssisələrində universitetin adına layiq nizam-intizam
qaydalarına riayət etmələrini, pedaqoji təcrübədə əldə
etdikləri bilik və bacarıqları yüksək səviyyədə nümayiş
etdirmələrini tövsiyə ediblər. Pedaqoji təcrübə
rəhbəri Məmməd İsmayılov prosesin təşkili ilə bağlı
məsələlərdən və təcrübəyə ayrılan saatlardan söz
açıb. Kəsiri olan tələbələrin pedaqoji təcrübədə
iştirakı ilə bağlı məsələlərə də aydınlıq gətirilib.
Linqvodidaktika kafedrasının müdiri, professor Gülnar
Hüseynzadə, psixologiya kafedrasının müdiri, dosent
Ceyhun Alıyev, pedaqogika kafedrasının dosenti Vidadi
Bəşirov, kurikulum və keyfiyyətə nəzarət Departamentinin
müdiri Şəfəq Şahməmmədova çıxış edərək pedaqoji
təcrübənin tələbələrin pedaqoji fəaliyyətindəki ilkin
təsirlərindən danışıblar.
Şakir CƏFƏROV,
"Azərbaycan müəllimi" |
