|
Yanvarın 23-də Təhsil Problemləri İnstitutunda Avropa
İttifaqının beynəlxalq eksperti ilə görüş keçirildi.
İnstitutun direktoru Qulu Novruzov qonağı salamlayaraq
rəhbərlik etdiyi institutda mövcud şöbələr və xüsusilə
də Peşə ixtisas təhsili şöbəsinin fəaliyyəti barədə
danışdı. Peşə təhsili və təliminin keyfiyyəti üzrə
beynəlxalq ekspert Qalya Bojanova Avropa komissiyasının
nümayəndəliyinin Avropa layihəsi üzrə mütəxəssisi kimi
görüşün Təhsil Problemləri İnstitutunda olmasından
məmnun olduğunu bildirdi. Qeyd etdi ki, bizim layihə
Azərbaycanın növbəti təhsil proqramı üzrə nəzərdə
tutulacaq və yeni hazırlanacaq peşə təhsili və təlimi
standartları üzrə mövcud vəziyyəti öyrənib, onunla
bağlı texniki tapşırıqları hazırlayıb Avropa Şurasına
dəstək olmaqdır. Peşə təhsilinə daha çox diqqət
yetirdiklərini vurğuladı. Məqsəd peşə təhsili və təlimi
sahəsində standartların hazırlanması metodikası,
keyfiyyət və qiymətləndirilmə sisteminin
hazırlanmasıdır. Q.Bojanova qeyd etdi ki, əsas məqsəd
beynəlxalq təcrübəyə əsaslanaraq peşə və təhsil
standartlarının qarşılıqlı əlaqəsi zəminində onların
uyğunluğunu təmin etmək və bunlarla bağlı hazırlanmış
texniki tapşırığı Avropa Şurasına təqdim etməkdir.
Görüşdə əmək bazarının tələblərini ödəyən peşə və təhsil
standartlarının hazırlanması və tətbiqi ilə əlaqədar
maraqlı tərəflərin (ilk peşə-ixtisas təhsili
müəssisələri, işəgötürənlər və s.) birgə işinin daha da
yaxşılaşdırılması üzrə Avropa İttifaqı, Təhsil Nazirliyi
və digər təşkilatların bu işə dəstəyinin
yaxşılaşdırılması üçün yeni layihələrin hazırlanması
məsələləri ətrafında da söhbət getdi.
Görüşdə kurikulumların hazırlanması və təlim prosesinə
tətbiqi, onun müəllim və şagirdlərin inkişafına təsiri
məsələləri ətrafında da geniş müzakirə aparıldı.
İnstitutun direktoru Qulu Novruzov peşə təhsilinin
cəmiyyətin təhsil siyasətinin ayrılmaz hissəsi olması,
nəticəyönümlü məzmunun tətbiqi şəraitində daha uğurlu
nəticələrin əldə olunmasına şərait yaratması, müəllim və
şagirdlərin yaradıcı fəaliyyətinin stimullaşdırılması
kimi məsələlərdən danışaraq "Azərbaycan Respublikasında
təhsilin inkişafı üzrə Dövlət Strategiyası" sənədində bu
sahəyə xüsusi önəm verildiyini bir daha vurğuladı. O,
gələcəkdə peşə təhsili və təlimi üzrə lazımi məzmunun
hazırlanması işində hər bir əməkdaşlığa hazır
olduqlarını vurğuladı.
TPİ-nin Beynəlxalq əməkdaşlıq və informasiya şöbəsi
|
