|
Yanvarın 29-da Azərbaycan Dövlət İqtisad Universitetində
(ADİU) "Bank of Baku"nun tədris laboratoriyasının açılış
mərasimi keçirilib. ADİU-nun rektoru, professor Ədalət
Muradovla "Bank of Baku"nun idarə heyətinin sədri Fərid
Hüseynov SABAH qrupları üçün hazırlanmış tədris otağı
ilə tanış olublar. Daha sonra tədbir "Bank of Baku"nun
təqaüd proqramının təqdimatı ilə davam edib.
Bildirilib ki, tələbə təqaüdü proqramına universitetə
450-dən çox balla qəbul olmuş və son sessiyanın
nəticəsinə görə 70-dən yuxarı bal toplamış 3 və 4-cü
kursların tələbələri sənədlərini təqdim edə bilər.
Təqaüd alan beş tələbə eyni zamanda bankda təcrübə
keçmək imkanı əldə edəcək.
Tədbirin sonunda tələbələrin sualları cavablandırılıb.
Rüfanə GÜNƏŞ,
"Azərbaycan müəllimi" |
