|
 M.V.Lomonosov
adına Moskva Dövlət Universitetinin Elmi Şurasının
qərarı ilə təsis olunan Fəxri professor adı öz
fəaliyyətləri ilə sülh ideyalarına xidmət edən, təhsil
və elmə hər zaman hərtərəfli dəstək göstərən, elm,
mədəniyyət, incəsənət, yüksək texnologiyalar sahəsində
insanın yaradıcılıq dühasının inkişafında və eləcə də
beynəlxalq münasibətlər sahəsində uğurlarına və
xidmətlərinə görə görkəmli dövlət xadimlərinə, nüfuzlu
alimlərə, ictimai-siyasi fəaliyyətləri ilə tanınan
şəxslərə verilir.
Müxtəlif vaxtlarda xarici ölkələrdən 60-dan artıq alim,
dövlət və siyasi xadim M.V.Lomonosov adına Moskva
Dövlət Universitetinin Fəxri professoru seçilib.
2001-ci ildə MDU-nun Fəxri professoru adına ümummilli
lider Heydər Əliyev, 2008-ci ildə Azərbaycan
Respublikasının Prezidenti İlham Əliyev layiq
görülüblər. Müxtəlif illərdə BMT-nin Baş katibi Pan
Gi Mun, ABŞ-ın sabiq Prezidenti Bill Klinton,
Özbəkistan Prezidenti İslam Kərimov, Qazaxıstan
Prezidenti Nursultan Nazarbayev, Tacikistan Prezidenti
İmomali Rahmon, Hindistanın mərhum baş nazirləri
Cəvahirəl Nehru, İndira Qandi, yazıçı Çingiz Aytmatov,
Nobel mükafatı laureatları Ceyms Uotson, Cozef Rotblat,
Jores Alferov, ilk qadın-kosmonavt Valentina Tereşkova
və başqaları da Fəxri professor diplomu ilə təltif
olunublar. |
