|
 Tovuz
Peşə Liseyindən aldığımız məlumatda bildirilir ki,
liseydə şagirdlərin hərbi-vətənpərvərlik ruhunda
tərbiyə olunması sahəsində xeyli işlər görülüb. Belə ki,
liseydə çox zəngin və müasir tələblərə cavab verən
"Gənclərin çağırışaqədərki hazırlığı" kabineti
yaradılıb, Azərbaycanın və rayonun milli qəhrəmanlarına,
şəhidlərə həsr olunmuş stend və guşələr diqqəti cəlb
edir. Rayon ərazisində yerləşən "N" saylı hərbi hissənin
komandanlığı ilə əldə olunmuş razılığa əsasən lisey
şagirdlərinin mütəmadi olaraq həmin hərbi hissəyə
ekskursiyaları təşkil olunur.
Təhsil ocağının təşəbbüsü nəticəsində "Aqrolizinq"
ASC-nin Tovuz Servisi ilə müqavilə bağlanılıb və
traktorçu-maşinist peşəsi üzrə təhsil alan şagirdlərin
istehsalat təcrübəsinin səmərəli keçirilməsi təmin
edilib.
Təhsil Nazirliyinin diqqət və qayğısı nəticəsində
liseyin kitabxanası yeni dərslik, plakat və əyani
vəsaitlərlə, müasir tələblərə cavab verən İKT kabineti
yeni avadanlıqlarla təmin olunub.
Liseyin mühəndis - pedaqoji kollektivi ixtisaslı fəhlə
kadrlarının hazırlanmasında bütün bilik və
bacarığından istifadə edir. |
