|
 Yanvarın
19-da Təhsil Problemləri İnstitutunda 20 Yanvar
şəhidlərinin xatirəsinə həsr olunmuş "20 Yanvar qürur
günümüzdür" mövzusunda tədbir keçirilib. Şəhidlərin
xatirəsi bir dəqiqəlik sükutla yad edilib. Sonra
institutun direktoru, hüquq üzrə fəlsəfə doktoru Qulu
Novruzov çıxış edərək bildirib ki, 20 Yanvar Azərbaycan
tarixində qanla yazılmış bir səhifədir, ancaq o, təkcə
faciə deyil. Bu tarix Azərbaycanın istiqlal yolunun ilk
zirvəsi, milli məfkurəmizin azadlıq istəyinin oyanış
günü idi. Diqqətə çatdırılıb ki, uzun illər sovet
İmperiyasının əsarətində yaşayan xalqın azadlıq səsini
ucaltdığı, öz suverenliyi uğrunda cəsarət nümayiş
etdirdiyi şərəfli bir tarixi gündür 20 Yanvar.
İnstitutun direktoru bildirib ki, həmin günlərdə
xalqının səsinə hər kəsdən əvvəl səs verən Heydər Əliyev
oldu. Ümummilli liderimiz Moskvada xüsusi nəzarət
altında olmasına baxmayaraq, özünün və ailə üzvlərinin
həyatını açıq təhlükə qarşısında qoyaraq, hadisələrdən
dərhal sonra, 1990-cı il yanvarın 21-də oğlu İlham
Əliyevlə birlikdə ölkəmizin Moskvadakı daimi
nümayəndəliyinə gəlib, təcavüzə kəskin etirazını
bildirib, faciəni törədənləri kəskin ittiham, qoşunların
Bakıdan çıxarılmasını tələb edib. SSRİ-nin hələ hökm
sürdüyü bir vaxtda xalqının yanında olduğunu
bildirməklə, Moskvanın özündə rus imperiyasını atdığı
bu addımına görə tənqid etmək, sözün əsl mənasında,
böyük hünər və cəsarət tələb edirdi. Ulu öndər Heydər
Əliyev və oğlu İlham Əliyev bununla, hər şeydən əvvəl
Vətən, xalq qarşısında vətəndaşlıq və milli mövqelərini
nümayiş etdiriblər... Xalqımızın ümummilli lideri Heydər
Əliyevin 1990-cı il 21 yanvar tarixli bəyanatı həm də
faciəyə verilən ilk siyasi qiymət idi...
Bildirildi ki, ulu öndər Heydər Əliyev xalqın təkidli
tələbi ilə ikinci dəfə hakimiyyətə qayıtdıqdan sonra 20
Yanvar hadisələrini lazımınca qiymətləndirmək yolunda
ciddi addımlar atıldı. 1990-cı il noyabrın 21-də böyük
siyasi xadim Heydər Əliyevin rəhbərliyi ilə Naxçıvan
Muxtar Respublikasının Ali Məclisi 20 Yanvar faciəsi ilə
bağlı tarixi qərar qəbul etdi.
..."20 Yanvar faciəsinin 4-cü ildönümünün keçirilməsi
haqqında" Azərbaycan Respublikasının Prezidenti Heydər
Əliyevin 5 yanvar 1994-cü il tarixli fərmanı ilə Milli
Məclisə 20 Yanvar hadisələrinə tam siyasi-hüquqi qiymət
verilməsi tövsiyə olundu... Milli Məclisdə müzakirələrin
yekunu olaraq 1994-cü il martın 29-da "1990-cı il
yanvarın 20-də Bakıda törədilmiş faciəli hadisələr
haqqında" qərar qəbul edildi. Qərarda 1990-cı ilin
qanlı 20 Yanvar faciəsinə dövlət səviyyəsində tam
siyasi-hüquqi qiymət verildi...
Sonra 20 Yanvar faciəsində baş vermiş hadisələri əks
etdirən "Qanlı Yanvar, qan yaddaşımız" adlı videoçarx
nümayiş olundu.
Videoçarxın nümayişindən sonra Şəhidlər xiyabanının necə
yaradılması ilə bağlı o zaman Təhsil Nazirliyində
çalışan Dəfn komissiyasının sədr müavini Azər Nəbiyev
çıxış etdi. O, həmin qanlı yanvar gecəsində baş
verənləri ürək yanğısı ilə xatırladaraq gözləri ilə
gördüyü dəhşətli mənzərəni bir daha toplantı
iştirakçılarına danışdı.
Təhsil Problemləri İnstitutunun şöbə müdirləri və digər
əməkdaşları faciə ilə bağlı fikirlərini bölüşdülər.
TPİ-nin Beynəlxalq əməkdaşlıq və
informasiya şöbəsi |
