|
Respublika Şahmat Mərkəzində keçirilən 14-16 yaşlı
oğlanlar və qızlar arasında Bakı birinciliyi başa çatıb.
Yarışın əsasnaməsinə görə, hər yaş qrupundan finala
çıxmaq hüququ verən yerlərin sayı belə idi: 14 yaş
oğlanlar - 4 yer, 14 yaş qızlar-5 yer, 16 yaş oğlanlar -
3 yer, 16 yaş qızlar-4 yer. 14 yaşadək oğlanların
mübarizəsində Fərid Aslanov 9 oyundan 8.5 xal toplayaraq
birinci oldu. 2-ci yerin sahibi aktivinə 8 xal yazan
Andrey Mustafin olub. Qurban Bayramov 7 xalla 3-cü,
Yusif Məmmədov isə 6 xal toplayaraq 4-cü yerdə
möhkəmlənib. Eyni yaş qızların birinciliyində Aytac
Heydərova 7 oyundan 7 xal toplayaraq 100 faizlik nəticə
göstərib. Aysu İsmayılova 5.5 xal toplayaraq 2-ci
pillədə qərarlaşıb. 3-cü yerə isə aktivinə 4.5 xal yazan
Səriyyə Zeynalova çıxıb. Sevinc Tağıyeva və Ülkər
Həsənzadə hərəyə 4 xal toplayaraq 4-5-ci yerləri
bölüşdürüblər.
16 yaşlı oğlanlar arasında Oğuz Abışlı və Asim İmanov
5.5 xal toplayaraq 1-2-ci yerləri tutublar. Səid Rəfili
isə aktivinə 5 xal yazaraq 3-cü yerin sahibi olub. Eyni
yaş qızların mübarizəsində Sona Hüseynova, Aynur
Abbasova, Ayşən Quliyeva və Nərmin Quluzadə finala
vəsiqə qazanıblar.
Hazırladı: Rəşad RAMAZANOĞLU,
"Azərbaycan müəllimi" |
